ناوه‌ڕۆك
ناساندن
بەکارهێنانی سۆشیال میدیا بۆ دەسکەوتنی هەلی کار (بە ئینگلیزی: Using social media to get job opportunities، بە عەرەبی: استخدام وسائل التواصل الاجتماعي للحصول على فرص عمل)، تۆڕە کۆمەڵایەتییەکان تەنها شوێنێک نین بۆ بڵاوکردنەوەی بابەتە کەسییەکانت وەک وێنەکانت و ڤیدیۆکانت دەتوانێت ئامرازێکی بەهێز بێت بۆ یارمەتیدان لە دۆزینەوەی دەرفەتی کار و دروستکردنی پەیوەندی لەگەڵ خاوەنکارەکان لەڕێگەیەوە نیشاندانی شارەزاییەکانت و کەسایەتیت دروست بکات.
باشترین و کاریگەرترین ڕێگاکانن بۆ بەکارهێنانی تۆڕە کۆمەڵایەتییەکان بۆ بەدەستهێنانی کار
هاوبەشکردنی پەرتووکی ئۆنلاین یان CV لە تۆڕە کۆمەڵایەتییەکان
بۆ بەکارهێنانی تۆڕە کۆمەڵایەتییەکانت بە شێوەیەکی کاریگەر لە کاتی گەڕان بەدوای کارەکەتدا، یەکەم هەنگاو دەبێت ئەوە بێت کە بلۆگێکی تایبەت یان ماڵپەڕێکی کۆمەڵایەتی دروست بکەیت بۆ نیشاندانی کارەکەت. ئەگەر دەتەوێت ببیت بە ڕۆژنامەنووس، بۆ نموونە، دەتوانیت ماڵپەڕێکی سادە یان بلۆگێک دروست بکەیت کە بابەتەکانت پیشان بدات. ئەمە ڕێگایەکی نموونەییە بۆ بازاڕکردنی خۆت لەسەر ئینتەرنێت و دەتوانیت بە ئاسانی ماڵپەڕێکی بنەڕەتی دروست بکەیت لە کەمتر لە ٢٠ خولەکدا.
گەڕان بەدوای کاردا لە LinkedIn و Twitter
گەر هیچ ماڵپەڕێک نادۆزیتەوە بۆ هەلی کار ئەوا دەتوانیت لە LinkedIn و تویتەردا گەڕان بکەیت بۆ دۆزینەوەی کار. بەشی کار لە Linkedln پڕە لە دەرفەت و تایبەتمەندی گەورە. هەموو ئەوەی پێویستە بیکەیت بۆ ئەوەی داواکاری پێشکەش بکەیت ناردنی سیڤیەکەتە. لە تویتەر دەتوانیت هەوڵ بدەیت بەدوای هاشتاگی دیاریکراودا بگەڕێیت وەک (#nowhiring و #graduatejobs)، ئەو پۆستانەی کە ڕاستەوخۆ پەیوەندییان بە ڕیکلامی کارەوە هەیە. هەروەها دەتوانیت بەدوای ئەوانەدا بگەڕێیت کە تایبەتن بە کارەکەت ، وەک #engineeringjobs و #mediacareers.
گفتوگۆکردن لە دیبەیتەکانی تۆڕە کۆمەڵایەتییەکان
فۆڵۆکردن و ئارەزووکردن لە پۆستەکان لەلایەن کۆمپانیاکانەوە پێویستە وایان لێبکەی کە کارەکەتیان بە دڵ بێت لەڕێگەی تۆڕی کۆمەڵایەتی بتوانن هەلی کارت پێبدەن. هەمیشە چەندین گفتوگۆی سەرنجڕاکێش لە تۆڕە کۆمەڵایەتییەکاندا هەیە دەربارەی هەموو جۆرەکانی کار.
کەسایەتی خۆت لەسەر ئینتەرنێت نیشان بدە
بە پیشەیی بمێنەوە، بەڵام هەروەها هەوڵ بدە کەسایەتییەکی سەرنجڕاکێش نیشان بدەیت کە خەڵک دەیانەوێت کاتت لەگەڵ بەسەر ببەن لە ئۆفیس. لە کاتی دەرخستنی خۆت لەسەر ئینتەرنێت، تەرکیز بکە سەر ئەنجامدانی ئەم کارە لەسەر LinkedIn، و دواتر دەتوانیت کەمێک زیاتر دەربارەی ژیانت لە دەرەوەی کارەکەت نیشان بدە وەک تویتەر و ئینستاگرام.
بەردەوامبە لە زانینی هەواڵەکانی کۆمپانیاکان لە تۆڕەکۆمەڵاییەتیەکان
هەروەک چۆن بەکارهێنەران دەتوانن زانیاری دەربارەی تۆ لە تۆڕە کۆمەڵایەتییەکان بدۆزنەوە، دەتوانیت چاودێری ئەوە بکەیت کە ئەوانیش چی دەکەن. بزانە کۆمپانیاکە لە چ بوارێکدا کار دەکات، چ پڕۆژەیەکیان لەم دواییانەدا ئەنجام داوە، یان هەر تێڕوانینێکی تر کە دەتوانیت لە ڕێگەی ئینتەرنێتەوە دەاتت بکەوێت دەربارەیان.
بەشداری بکە لە گرووپەکانی پەیوەندیدار بە کارەکەت
هیچ مانایەکی نییە کە هەموو بیرۆکە گەورەکانت بۆ خۆت بپارێزیت. لە فەیسبووک و لینکید دەتوانیت بەشداری ئەو گروپانە یان لاپەڕانە بکەیت کە پەیوەندییان بە بەرژەوەندییە پیشەییەکانتەوە هەیە. هەندێک لەو گروپانە تەنانەت هەلی کاریان هەیە بەدوای کارمەندی نوێدا دەگەڕێن. هەروەها هەوڵبدە هاشتاگەکان لە تویتەر بەکاربهێنیت بۆ دۆزینەوەی گفتوگۆی پەیوەندیدار و زیادکردنی بەشداریکردن لە پۆستەکانت لە تۆڕە کۆمەڵایەتییەکان.
فۆڵۆی هەژماری کاری کۆمپانیا بکە
زۆرێک لە کۆمپانیاکان هەژماری تایبەتی تویتەریان هەیە کە تایبەتن بە کارەکان و چالاکیەکانی کۆمپانیا و بەدواداچوونیان ڕێگایەکی باشە بۆ مانەوە لە سەرووی هەر کارێکی نوێوە ئەگەر کۆمپانیایەکی بچووکتر بێت.
چالاک بە
ئەگەر لە تۆڕە کۆمەڵایەتییەکان پۆست نەکەیت، خەڵک ئەگەری ئەوەیان کەمترە بتدۆزنەوە، بۆ نموونە، کەمتر لە ٢٠٪ی بەکارهێنەرانی لینکیند ڕۆژانە چالاکن. ئەمەش مانای ئەوەیە کە دەرفەتێکت هەیە بۆ ئەوەی لە لایەن خاوەنکارەکانەوە تێبینی بکرێیت بۆ دەستکەوتنی کار. ئەگەر دڵنیا نیت لەوەی دەربارەی چی پۆست بکەیت، ئەمە چەند بیرۆکەیەکە:
- وتارەکان لە ماڵپەڕەکانی پەیوەندیدار بە کارەکەت ئەو وانەیەی لە کۆمپانیاکانی پێشوو فێری بوویت
- چیرۆکی سەرکەوتن و پیشەکەت
سەرکەوتنەکانت هاوبەش بکە
ئەگەر سەرکەوتوو بوویت لەوەی کە دەیکەیت، دڵنیابە لەوەی کە بەکارهێنەران دەیزانن. ئەوکارانەی سەرکەوتنت تێیدا بەدەست هێناوە هاوبەشی بکە لەگەڵ شوێنکەوتووەکانت هەمیشە شوێنی پێویست نییە لەسەر سیڤیەکەت بۆ نیشاندانی هەموو ئەو کارە نایابانەی کە ئەنجامت داوە، بۆیە پرۆفایلەکانی تۆڕە کۆمەڵایەتییەکانت بە تەواوی بەکاربهێنە و سەرکەوتنەکانت ئاشکرا بکە.
